კიდევ ერთი კონტრაქტი ბაიერნში
ჰანს ფლიკის შემდეგ, მიუნხენის ბაიერნმა კონტრაქტი 30 წლის ტომას მიულერსაც გაუხანგრძლივა. გერმანელი ფეხბურთელი ნიკო კოვაჩის ფორმაციის გუნდში ბედნიერი არ იყო, თუმცა ფლიკის დანიშვნის შემდეგ, სახეზე ღიმილი დაუბრუნდა და მოედანზე მარგი ქმედების პროცენტსაც მოუმატა.
მიულერი ბაიერნის ძირითად გუნდში 2007 წლიდან თამაშობს. მაშინ, სარეზერვო გუნდიდან ის იურგენ კლინსმანმა დააწინაურა, თუმცა ლუი ვან გაალის ხელში გაიხსნა. მიულერმა მიუნხენურ გრანდთან ერთად ბუნდესლიგა 8-ჯერ, 5-ჯერ გერმანიის თასი და სუპერ თასი, 2013 წელს კი ჩემპიონთა ლიგა და ევროპის სუპერთასი მოიგო.
მიმდინარე სეზონში, ტომასმა მონაწილეობა 25 შეხვედრაში მიიღო, სადაც 16 საგოლე გადაცემა შეასრულა და 5 გოლი გაიტანა.
I`m happy to extend the contract at the club of my #FCBayern #esmuellert #Müller2023 #Herzensklub #Vertragsverlängerung #MiaSanMia #ThomasMüller #Muellered2023 pic.twitter.com/bygHJ7XJXj
— Thomas Müller (@esmuellert_) April 7, 2020
